رواية هداية البدر الفصل الثاني عشر 12 بقلم رنوشة
كريم اتصدم ودخل الفرح يشوف مين العروسه وكانت ناهد
ناهد حب عمره اللي متجرأش يرفع عينه في عينها وخلي حبه جوه قلبه لحد ما يكون مستعد وتبقي معاه بالحلال ...ناهد بتتخطب!!
كريم كان داخ وبدر مسك كريم من دراعه عشان ميوقعش :اهدي دلوقتي وتعالي معايا
كريم راح مع بدر عند شقه عادل وكان كل الشباب هناك متجمعين
محمد قعد علي السرير جمب كريم وطبطب علي رجله واتكلم بهدوء:بكره يا حبيبي تلاقي اللي قلبك يتمناها ومعني ان ناهد حد غيرك ياخدها يبقي هي مش من نصيبك ربنا هيعوضك علي صبرك خير وعن حبك وعن كل حاجه ربنا هيعوضك بس استني
كريم من اول ما عرف بخطوبه ناهد مكنش مدي اي رد فعل غير انه باصص قدامه وساكت سكوت مخيف اتكلم بهدوء علي عكس اللي جواه:الحوار كله مش فارق معايا انا نسيت حبها من اول ما عرفت انها اتخطبت وخلاص محدش يفتح الموضوع ده تاني....كريم وقف وكلهم بصوله بإستفسار وهو قبل ما يمشي قالهم:انا رايح لأختي سايبها كل ده لوحدها
محسن قام وراه:استني انا جاي اوصلك وراجع
كريم رفع ايده بإعتراض:خليك انا هعرف اروح لوحدي انا مش عارف انتو ليه مش مصدقين اني كويس
محسن قاطعه بجديه:خلاص انا قولت هاجي اوصلك يعني هوصلك يلا
راح كريم ومحسن مع بعض تحت بيت محمد مستنين هدي وكريم كان رن عليها قالها تنزل هو مستنيها
بعد فتره بسيطه من الانتظار نزلت هدي وركبوا مواصلات عشان يروحوا البيت
نزلوا من العربيه وكانو خلاص تحت بيت كريم وهدي قالت لكريم انها هتطلع علي ما يخلص كلام مع صاحبه ومحسن كان مركز معاها بهد ما هدي مشيت
محسن راح حضن كريم وطبطب علي ضهره:هتعدي والله وربنا هيكرمك كرم هيخليك مبسوط لباقي عمرك
كريم ابتسم لمحسن ابتسامه مزيفه وقاله :ان شاء الله يلا يا غالي سلام
جيلان شافت ابنها راجع منهمك من برا :مالك يا حبيبي
بدر بص لأمه وعيونه فيها دموع واتكلم بصوت مبحبوح:هو ينفع تحضنيني يا ماما؟!
جيلان قربت منه وحضنته وهي بتعيط من غير صوت مستغربه حاله ابنها الفتره دي :مالك يا بدر احكيلي فيك ايه
بدر غمض عينه:مفيش حاجه يا حبيبتي....بعد عن امه :انا هطلع انام
بدر طلع اوضته وهو بيبص حواليه للمكان كأنه اول مره رمي نفسه علي السرير بتعب وهو نفسه اليوم يخلص بأي شكل
(بدر افتكر في مره لما سأل كريم :هو انا لو تعبان وعايز التعب ده يخف اعمل ايه
كريم:اسمع قرآن)
بدر فتح موبايله وكتب قرآن علي جوجل وهو إيده بتترعش والسورة اللي شغلها كانت سورة يوسف كان بيسمعها وهو بيعيط اكتر ايه شدته كانت(قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُونَ (86) )
محمد رن علي واحد صاحبه معرفه مهمه وتقيله في البلد:عامل ايه يا خالد
خالد بضحك:الحمدلله...عاش من سمع صوتك يا راجل
محمد بضحك:والله ياخي الواحد ملهي
خالد:الله يكون في عونك يا حبيبي
محمد:كنت قاصدك في خدمه
خالد :اأمرني
محمد:الأمر لله....كنت عايز ابعتلك ملف لكام بنت وهبعتلك اسم كليتهم وكل حاجه تبعهم مش عايز اي كليه تقبل بيهم
خالد استغرب طلب محمد:اشمعنا عايزني اعمل كده يعني البنات دول عملوا ايه
محمد:اذوا حد تبعي بعدين هحكيلك بس اعمل اللي قولتلك عليه
خالد:خلاص ابعتلي ملفاتهم
قفل محمد مع خالد وهو بيبتسم وراح فتح اللا توب بتاع اخته
ضغط علي ازرار اللابتوب وبعت ريكورد وفيديو لعميد الكليه وهو بيبتسم بإنتصار
خالد راح الكليه تاني يوم ومعاه اللابتوب ولما شاف سلمي ابتسملها وقعد وفتح اللابتوب ووصله بالشاشة اللي في المدرج وكان فيديو للبنات وهما بيتنمروا علي بنات وكان فيديو ليهم بيغلطوا في اكتر من دكتور... البنات اول ما شافوا الفيديو فضلوا يبصوا يمين وشمال عايزين يعرفوا مين اللي شغل الفيديو
معيد الكليه طلبهم في مكتبه واخدوا رفد
محسن رن علي كريم:عامل ايه يا كيمو دلوقتي
كريم:الحمدلله بخير
محسن:كنت عايز اقولك حاجه يمكن مش وقتها المناسب بس عايز اقولك
كريم عقد حواجبه و استغرب :حاجه ايه
محسن بتوتر:كنت طالب ايد اختك...
(حاجات اتكلمت عنها في البارت اللي فات:الإسلام اباح للرجل الزواج بأكثر من واحده في حالات معينه وشروط وان عدد النساء اللي هيتجوزها ميتخطاش الاربعه .....أما الخطوبه فهي متذكرتش في القرآن اللي اتذكر في القرآن ( لا جناح عليكم فيما عرضتم به من خطبة النساء ) البقرة /235 والمقصود هنا كتب الكتاب ولكن في خطبه شرعيه ليها ضوابط معينه وترضي الله)
رنووووشه
#هدايه_البدر
#البارت_الثاني_عشر
